A la clarté qui tout enlumina nostre grant tenebrour,
A la dame qui si grant mecine a contre toute dolour
Doivent venir trestuit li pecheour
Et devenir si serjant nuit et jour;
N´autrui ne doit nus doner
Son cuer, son cors ne s´amour
Fors a la douce mere au Creatour,
Vierge pucele et de si saint atour:
Rose est novele et des dames la flour.

Huic main au doz mois de mai
Desouz le solua levant,
En un vergier m´en entrai.
Desous un pin verdoiant
Une pucele i trovai roses coillant.
Lors me trai ver li
De fine amour la pri.
Ele me respondit:
“A moi n´atoucheres vos ja
Qar j´ai mignot ami.”